Вкусна вечера готова за миг: Ни пица не ѝ е рамна на оваа пита!

Пригответе вечера за само половина час со состојки што веќе ги имате дома. Ова може да биде одлична замена за пица.

Состојки:

• 3 јајца
• 2 дл јогурт
• 80 мл масло
• 2,5 чаши брашно тип 400
• прашок за печиво
• половина лажиче сол

За преливот:

• ајвар, лутеница
• оригано
• кулен
• шунка
• лажица маслиново масло

Приготвување:

Изматете јајца, па додајте јогурт, масло, сол, брашно и прашок за печиво, па сето тоа убаво соединете го. Во друг сад измешајте ајвар, лутеница, оригано и масло. Подмачкајте тепсија и во неа сипете ја смесата од брашно. Одозгора премачкајте со смесата од ајвар, па додајте кашкавал, кулен и шунка. Печете на 200 степени, околу половина час.

Добар апетит!