Традиционален рецепт за кисела зелка со коленица во земјен лонец – јадење што зборува 100 јазици!
Вкусот на традицијата
Вкусот на кисела зелка кој се крчкал во земјен лонец со еден куп зачини ќе ве остави без зборови
Состојки:
- 3 кг кисела зелка (поситна главица)
- 1 кг коленица
- 200 г чадена сланина
- 300 г чадени свински ребра
- 3 главици кромид
- 4 црвени пиперки
- магдонос и лист од целер
- црн бибер во зрно
- бел компир
Приготвување:
- Зелката измијте ја во две води, отстранете ги надворешните листови и секоја главица пресечете ја на осмини.
- Отстранете го коренот од зелка и секоја осмина пресечете ја на три дела.
- Месото и преостанатите состојки исечете ги на поголеми парчиња.
- Кромидот исечете го на коцки, пиперката на кругови, додајте шака сечкан лист од магдонос и целер.
- Наредете во лонец ред зелка, врз неа малку кромид, лист од магдонос и целер, неколку зрна бибер и од секој вид месо и многу лук.
- Повторете додека се потрошат сите состојки, а завршете го редењето со зелка на врвот. Прелејте со ладна вода и ставете ја на силен оган да зоврие.
- Намалете ја температурата и гответе на тивко, да се крчка, полуотворено неколку часа, најдобро во земјен лонец. Половина час до 40 минути пред крај додајте бел компир исечкан на четвртини.
Добар апетит!