Прсти да излижете: Тестенини со топчиња од мелено месо

Давор Панчевски секогаш ги исполнува нашите очекувања за вкусен оброк. Побарајте уште вакви рецепти на неговиот инстаграм-профил @daveskitchenofficial, а денес пробајте ги неговите тестенини со топчиња од мелено месо.

Состојки:

За топчињата од мелено месо

• 250 г мелено месо
• сол и мелен црн пипер по вкус
• ½ главица кромид, ситно исечкан
• 1 лажиче сенф
• 1 лажиче кечап
• 1 чешне лук, ситно исечкан
• 4 лажици лебни трошки

За остатокот од јадењето

• 150 г грашок од конзерва
• 1 морков, исечкан на ленти
• 1 лажица доматен сос
• 1 лажиче оригано
• 300 г сварени мини-макарони ал денте
• свежо исечкан магдонос за декорација

Приготвување:

1. Пропржете ги топчињата од мелено месо на малку масло

2. Додајте ги грашокот и морковот исечкан на ленти

3. Зачинете со оригано, сол и црн пипер и додајте доматен сос

4. Додајте ги сварените мини-макарони и гответе уште 5 минути

Добар апетит и забавно готвење!

Не пропуштајте да ги пробате рецептите и во најновиот празничен број на магазинот „Добра храна“!