Погледнете што се’ ќе читате во најновиот број на магазинот „Добра храна“…
Го обожаваме овој период од годината! Ретко кој не се радува на новогодишниот пречек и на божиќните празници. Покрај тоа што конечно можеме да одмориме во топла домашна атмосфера со најблиските или, пак, да појдеме на зимска снежна авантура во природа, се радуваме и на многуте вкусни јадења карактеристични за овие месеци.
Нашите гастро-мајстори приготвија прекрасна празнична трпеза за вас.
Збогатете ја и со рецептот од насловната страница, ремек-дело на Теодора Георгиевска @gotvime.so.tea, победничка во категоријата „Храна“ на изборот U&Z Influencer Awards.
Низ нашите страници ќе најдете вкусни гурмански оброци за ладните денови, а ќе ви покажеме како да приготвите и домашни крцкави џимиринки.
Украсете го домот во духот на празниците за уште подобро расположение!
Нема да ви дозволиме да ја оставите софрата без нешто слатко! Божествените десерти и кремливите колачи што ги одбравме ќе ве остават без зборови.
Сепак, не заборавајте дека празниците се вртат и околу човечката хуманост. Сигурно ќе ви остане многу храна од сите тие прослави и семејни собири. Наместо да ја фрлите, донирајте им ја на бездомните и гладните. Почнете ја новата година со добро дело!
Ваша Марија Лукаревска