За целосно гастро-доживување, покрај примамливите вкусови и мириси, потребно е да ужива и нашето сетило за вид
Ви претставуваме врвен специјалитет чиј неодолив изглед го поттикнува апетитот.
Потребно е: (за четири лица) 150 г исчистени ракчиња, 100 г исчистени шкампи, 1 дл оустер-сос, 3 дл неутрална павлака, двапати по ½ дл млеко, 0,03 сос од остриги, 0,5 дл булјон од риба, морска сол, зелен бибер, лајм, маслиново масло, чешне лук…
Приготвување: на маслиново масло се динстаат шкампите и ракчињата, им се додаваат булјон од риба, рендан лимон и лајм.
Кога ќе се свари, се додаваат сосот од остриги, половина дл млеко и неутралната павлака.
Се сервира во шолја.
Посебно се мати со миксер топло млеко (1/2 дл), малку сол и чешне лук додека не се добие пена слична на онаа во капучино. Потоа се прелива врз масата што се наоѓа во шолјата.
Текст: Бранкица Трескавица