Пробајте лазањи приготвени на малку поинаков начин
Состојки:
- 4 поголеми бабури
- 1 главица црвен кромид
- 300 г мелено јунешко месо
- 200 мл доматен сок
- 150 г шампињони
- 3 листа тесто за лазањи
- 150 г топено сирење
- 40 г пармезан
- оригано
- мешавина шарен пипер
- масло
- јодирана морска сол
Приготвување:
1. Бабурите се мијат, па врвовите заедно со дршката се сечат и се оставаат настрана, а семките се отстрануваат.
2. Црвениот кромид се чисти и се сече на коцки, шампињоните на листови.
Поврзани објави
3. На малку масло се пропржува црвениот кромид, а потоа се додава меленото јунешко месо и се пржи додека ја промени бојата.
4. Се ставаат шампињоните, се додава доматниот сок и потоа се пасира на умерена температура додека испари вишокот течност. При крајот на динстањето се додаваат ориганото, пиперот и морската сол.
5. Посебно се соединуваат сирењето и пармезанот.
6. Тестото за лазањи накратко се проварува во солена вода, а потоа се цеди од вишокот течност.
7. Помал тркалезен плех се обложува со хартија за печење и во него се редат исчистените пиперки. Се полнат по следниот редослед: лажица од филот од месо, лажица од смесата од сирење, парче тесто за лазањи. Постапката се повторува додека се наполнат пиперките.
8. Се затвораат со капачињата, се мотаат во фолија и се печат во загреана рерна на 200°С, околу 30 минути. Потоа се отстранува фолијата и се продолжува со печење додека поруменат.
Извор: Добра храна