Англиската пита со тиквички е летно јадење број 1: Лесно, сочно и превкусно!
Ќе барате репете
Пазарите се полни со млади и многу здрави тиквички, па сега е идеално време да ги искористите, а еве еден одличен предлог
Состојки:
- 500 г мазно брашно
- 30 мл масло
- Половина кесичка прашок за печиво
- Лажиче сол
- 200 мл вода
- 4 тиквички
- 1 парче бело месо
- 300 г младо сирење
- 200 г кисела павлака
- 100 г неутрална павлака
- 50 мл млеко
- 4 јајца
- 4 лажици гриз
- 70 г пармезан
- 100 г кашкавал
- 2 лажички масло
- Лажиче сол
- Прстофат бибер
Приготвување:
Поврзани објави
Од брашното, маслото, прашокот за печиво, солта и водата замесете мазно тесто. Формирајте ролна и одвојте третина од тестото. Формирајте го во топче и оставете го половина час во фрижидер. Тиквичките исечете ги на многу тенки кругови, посолете ги и ставете ги во цедилка за да се исцедат од водата што ја пуштаат. Измешајте сирење, кашкавал, кисела и неутрална павлака и млеко. Мешајте, додавајќи ги јајцата едно по едно, гризот и пармезанот. Посолете по вкус и забиберите, а на крајот, додајте ги тиквичките и белото месо што сте го искинале на влакненца. Расучете го тестото во круг и со сукало пренесете го во подмачкан калап. Во калапот сипете ја приготвената смеса, па печете ја околу еден час на 170 степени.
Добар апетит!