3 ручеци од пилешко месо: Нови и необични рецепти што не сте ги приготвувале досега!
Одлични предлози
Ако обожавате пилешко, пробајте ги овие необични рецепти
Пилешкото е месо што нутриционистите со задоволство го препорачуваат, без разлика дали сте на диета или сакате да се храните здраво.
Ви носиме 3 рецепта за ручек со пилешко месо…
Полнето пиле
Состојки:
- цело пиле
- 4-5 резанки стар леб
- млеко, по потреба
- 200 г сланина
- 1 кромид
- 3 чешниња лук
- врзоп магдонос
- 1 јајце
- 200 г шампињони
- сол
- бибер
- путер, по потреба
Приготвување:
Добро посолете го исчистеното пиле однадвор и однатре. Потопете го лебот во млекото, добро исцедете го и ставете го во сад. Додајте ситно сечкана сланина, ситно сечкани кромид и лук, лист од магдонос, јајце и шампињони, па посолете и забиберите. Добро промешајте ја смесата и наполнете го пилето со неа, па потоа врзете ги копаните со цврст конец, за да не ви истече смесата. Од остатокот од смесата направете топчиња и наредете ги околу пилето во подлабок плех или во огноотпорен сад. Пред печење, премачкајте го пилето со малку путер, а во текот на печењето полевајте го повеќе пати со сокот од печењето. Печете го околу час и половина на 200 степени.
Оброк салата со пилешко
Состојки:
Поврзани објави
- 1 пакување тестенини по избор
- 400 г пилешко месо исечкано на мали коцки и пропржено
- 1 помала главица зелена салата, грубо сечена
- 200 г шери домати
- 1 чаша крутони
- 1 грчки јогурт
- 1/3 чаша свеж пармезан
- 1/4 чаша печени бадеми
Приготвување:
Сварете ги тестенините во солена вода според упатствата на пакувањето, потоа измијте ги со ладна вода и исцедете ги. Измешајте ги наведените состојки и сипете ги врз тестенините. Послужете ги веднаш или ставете ги во фрижидер за утредента.
Цело пиле во млеко
Состојки:
- 1 цело пиле (околу 1,5 кг)
- морска сол
- мелен црн бибер
- 1 лажиче цимет
- врзоп свежа жалфија
- кора од два лимона
- 10 чешниња лук
- 500 мл млеко
Приготвување:
Загрејте ја рерната на 190 степени. Посолете го и забиберете го пилешкото. Ставете маслиново масло и путер во сад и пржете го пилешкото месо десетина минути од секоја страна. Ставете го во рерна, додајте млеко, цимет, листови жалфија, кора од два лимона и лук. Печете околу час и половина.