Неодоливо пилешко месо во сос: Пригответе го омилениот ручек на целото семејство!

Состојки:

• 500 г пилешко бело месо
• 300 г печурки
• 1 кромид
• 3 лажици сенф
• 8 лажици кечап
• 1 коцка пилешка супа
• 1 домат
• 100 мл млеко
• 400 мл павлака за готвење
• 2 лажици масло
• 1 лажица путер
• црн пипер
• 300 г тестенини
• сол

Приготвување:

1. Доматот и кромидот се сечкаат на коцки, пилешкото бело месо се сечка на поголеми коцки, а печурките на листови.

2. На тава на малку масло се пржи пилешкото месо, а потоа се остава на топло.

3. На тава на малку масло посебно се пржи кромидот, а потоа се додаваат печурките и кратко се пржат. Се додава доматот и се пржи сето тоа заедно.

4. Се додаваат кечапот, сенфот и прженото пилешко месо и се меша. Се ставаат млекото и павлаката за готвење, се додаваат солта и црниот пипер, па се готви на умерена температура, со повремено мешање, додека се добие потребната густина.

5. Тестенините се варат во солена вода, а потоа се цеди вишокот течност и се послужуваат како прилог со готовиот оброк.

Извор: Добра храна

Јадење што ќе го задоволи сечиј вкус: Пробајте тестенини со пилешко месо