Ако веќе не можете без слатко, пригответе домашни слатки од квалитетни намирници и приспособете ги на сопствениот вкус. Приготвената торта оставете ја во текот на ноќта во фрижидер за да се стврдне добро и лесно да се сече на резанки.
Состојки:
За кората:
- 300 г мелен кекс
- 60 г шеќер во прав
- 125 г путер
- 200 мл сок од портокал
- 70 г печени сечкани лешници
За филот:
- 4 јајца
- 200 г шеќер
- 250 мл слатка павлака
- 2 ванили
- 1 лажица густин
- 1 лимон
- 10 г желатин
За декорација:
- 200 мл слатка павлака
Приготвување:
За приготвување на кората се мати омекнатиот путер со шеќерот во прав.
Мелениот кекс се прелева со сокот од портокал, па се соединува со смесата од путер. Се додаваат сечканите лешници и добро се мешаат.
Тркалезен калап се обложува со хартија за печење, па дното се прекрива со смесата за кората.
За приготвување на филот се соединуваат 3 жолчки и едно цело јајце со 100 г шеќер, густинот, ванилиниот шеќер и млекото.
Добро се меша со маталка и се вари на умерена температура, со непрекинато мешање, додека се згусне.
Посебно се матат трите белки во цврста пена, постепено додавајќи 100 г шеќер.
Желатинот се прелева со 4 лажици вода и се чека да набабри, а потоа се додава во врелиот фил.
Се додава пената од белките и сокот од лимон, па полека се меша со лажица.
Приготвениот фил се прелева преку кората од кекс и се остава на ладно да се стврдне.
Оладената торта се вади од калапот и се декорира со шлаг од слатката павлака.
Текст и фото: „Добра храна“