САЛАРИЦИ: Старински десерт на којшто никој не останува рамнодушен!
Рецепт за кифлички со маст
Нивниот мирис ќе ве врати во детството
Омилениот десерт на постарите генерации. Речиси и да не постои човек кој не чекаше баба му да му ги замеси познатите саларици или салчици. Ретко кој знае да ги приготви на вистинскиот начин, но овој рецепт гарантира успех.
Состојки:
- 600 г брашно
- 3 жолчки
- рендана кора од 1 лимон
- прстофат сол
- 3-4 дцл кисела вода
- За премачкување:
- 400 г сало (исчистено, сомелено или изматено во блендер)
И уште:
- џем од кајсии
- шеќер во прав
- ванилин шеќер
Приготвување:
Во подлабок сад просејте брашно, додајте жолчки, кора од лимон, 1 лажица сало, сол и постепено додавајте вода. Замесете средно меко тесто, расучете го тенко и премачкајте го со 1/3 од салото. Преклопете го како за лиснато тесто и оставете го да одмора на собна температура (пожелно е просторијата да биде поладна) околу половина час.
Повторете ја постапката уште два пати, четвртиот пат расучете го тестото на дебелина од 1 см, расечете го со нож од сите страни за убаво да се разлисти, пресечете го на квадрати и на секој квадрат ставете лажиче џем.
Преклопете два краја од тестото кон средината и притиснете малку за да не се отворат при печењето или внимателно преклопете ги на пола. Печете во претходно загреана рерна на 200 степени, 15-20 минути.
Оставете ги готовите саларици да се оладат малку, обилно посипете ги со шеќер во прав и ванилин шеќер и уживајте во лиснатите, крцкави залачиња. Добар апетит!
Коментарите се заклучени.