Ни пристигнаа есенските јаболка, време е да ги искористите
Состојки:
За филот
- 5 јаболка
- 100 г шеќер
- 170 г путер
За тестото
- 240 мл топло млеко
- 1 лажица шеќер
- 1 кесичка квасец
- 500 г брашно
- 2 јајца
- 1 лажичка сол
- 180 г путер
- 1 шолја кафеав шеќер
- 2 лажици цимет
Приготвување:
Излупете ги јаболката и исчистете ги од семки, па исечете ги на третинки. Потоа, во тавче карамелизирајте 100 г шеќер, па додајте путер, а потоа и јаболката.
Поврзани објави
Оставете го сето ова да се крчка 5 минути, па наредете ги јаболката на дното од тркалезна тепсија. Прелејте ги со сокот и оставете ги на страна додека го приготвувате тестото.
Во подлабока чинија сипете топло млеко, па додајте лажица шеќер и квасец. Оставете го квасецот да нарасне, па додајте две изматени јајца, а потоа и брашно и сол.
Сето тоа замесете го во тесто, кое ќе го префрлите на работна површина и добро ќе го замесите. Додајте околу 80 г путер, па месете уште малку. Потоа, расукајте тесто и премачкајте го со остатокот од путерот.
Врз него додајте шеќер со цимет. Исечете го тестото на ленти со ширина од 5 сантиметри, а потоа, лентите една по една виткајте ги во голема топка. Така завитканото тесто, ставете го на јаболката и оставете го околу половина час за да ги впие соковите.
Печете на 180 степени околу 45 минути. Послужете ја питата оладена.
Погледнете го видеото за подетални инструкции…