Највкусната чоколадна торта со ореви: Традиционален десерт со кој нема грешка!
Незаборавен вкус!
Ќе уживате во секое залаче
Состојки:
За тестото:
- 140 г шеќер
- 5 јајца
- 2 реда рендано чоколадо
- 2 лажици брашно
За филот:
- 150 г мелени ореви
- малку вода или млеко
- 150 г путер
- 150 г шеќер во прав
За глазурата:
- 50 г чоколадо
- 50 г путер
За украсување:
- 100 г мелени ореви
Приготвување:
Изматете ги белките со шеќерот во цврст снег, па додавајте ги жолчките, една по една, и понатаму матејќи. Потоа, внимателно додајте го ренданото чоколадо и брашното. Печете во три дела на 200 степени Целзиусови во тркалезен подмачкан плех или калап за торта.
За филот: Попарете ги оревите во малку зовриена вода или млеко, а кога ќе се оладат, додајте го путерот изматен со шеќер во прав. Филувајте ја тортата помеѓу слоевите и однадвор, но така што одозгора ќе оставите простор за глазурата од чоколадо.
За глазурата: На најслаба температура растопете еднаква количина на путер и чоколадо и измешајте ги да се изедначи смесата.
За украсување: Врз филот посипете мелени ореви и листови чоколадо.