Чоколадни коцки

СОСТОЈКИ:

За подлога:

300 г мелени бисквити

200 мл сок од портокал

3 лажици шеќер во прав

50 г маргарин

За фил:

500 мл слатка павлака

2 лажици шеќер во прав

100 г бело чоколадо

100 г темно чоколадо

2 кесички желатин

За глазура:

100 г темно чоколадо

100 г бело чоколадо

2 лажици масло

ПРИГОТВУВАЊЕ:

Подлога:

1. Соединете го мелениот кекс со шеќерот во прав.
2. Додајте ги растопениот маргарин и сокот од портокал, па добро промешајте.
3. Обликувајте подлога од смесата, со дебелина од 5 мм.

Фил:

1. Изматете ја слатката павлака со шеќерот во прав.
2. Прелијте го желатинот со 12 лажици ладна вода и оставете го да набабри.
3. Додајте го желатинот во слатката павлака, па поделете ја смесата на 2 дела.
4. Растопете го белото чоколадо, замешајте го во еден дел од филот, а во другиот додајте го растопеното црно чоколадо.

Финална постапка:

1. Врз подлогата, прво нанесете црн фил, па бел, па оставете да се стегнат, па исечете го колачот на коцки.
2. За глазурата, растопете ги чоколадите со по 1 лажица масло, потоа, прелијте ги коцките и оставете ги додека се стегне глазурата.

Текст: Добра храна

Фото: Илустрација