Богатство од вкусови: Побарајте го најновиот број на магазинот „Добра храна“

Додека ги одбројуваме последните денови од зимата, расположени сме да уживаме во поинакви варијанти на добро познатите рецепти, но и да испробуваме сосема нови деликатеси.

Нашите гастро-мајстори, како и секој број така и овој, ви приготвија специјалитети за паметење.

ГАСТРО-МАЈСТОРИ

Претходно 1 од 6 Следно

Лиснато лепче со зачини - рецепт на Елена Андоновска @pomojvkus

Веснините брзи погачки - Веснички на Весна Ѓурковска Каеска @vkusniprikazni

Пилешко во бел сос од бадем и калинка - рецепт на Наталија Деспотовски @natalicooking

Пилешки батак во сос од лимон и путер - рецепт на Бобан Лазарески @bobanlazareski

Кунафа - рецепт на Теодора Георгиевска @gotvime.so.tea

Чизкејк со шумски плодови - рецепт на Дејан Главчев @glavcevdejan

Ниските температури сè уште не се целосно зад нас, па затоа не исфрлајте ги од менито топлите домашни варива и супи (густата супа од сладок компир ќе ви ја стопли душата!).

Сепак, понекогаш сите заслужуваме малку одмор и време за себе, па во тие случаи, брзите и вкусни јадења се повеќе од добредојдени! Ние ќе ви покажеме дека не мора да поминувате часови во кујната за да приготвите совршен ручек – пржениците од месо се одличен избор.

А дали знаете дека можете да ги подобрите мирисот и вкусот на јадењето со фламбирање? Дознајте како на нашите страници!

Ако се прашувавте кога е идеалното време за домашни слатки, ние велиме – СЕКОГАШ. Тортата-ролат што ја краси насловната страница ќе ве остави без зборови.

Уживајте во богатството од вкусови скриено низ содржините на нашиот кулинарски прирачник и гответе добра храна!

Ваша Марија Лукаревска