Трик што гарантира најмеки палачинки на светот: Никогаш повеќе нема да ви бидат жилави!

Палачинките се десерт што сите ги обожаваат, а најмногу им се радуваат децата.

Сите го знаеме стандардниот рецепт за палачинки кој е лесен за приготвување.

И покрај вложениот труд, на многумина им се случува омилениот десерт да не им излезе како што сакале.

Но со помош на еден трик и малку поинакво приготвување на смесата, палачинките секогаш ќе ви бидат совршени.

Приготвување:

• Пригответе смеса за палачинки на вообичаениот начин, со мала измена, така што белките ќе ги одвоите од жолчките. Изматете ги жолчките во смесата, а белките оставете ги на страна.
• Кога во смесата ќе ги ставите состојки (освен белките), добро промешајте.
• Од белките направете изматен снег, кој не треба да биде ниту мек, ниту цврст.
• Полека додајте ги изматените белки во смесата.

Токму овој изматен снег ќе им даде пенеста структура, мекост и фантазија од вкусови. Толку се совршени, што дури и кога ќе се оладат и отстојат, нема да станат жилави!