Добивањето доволно вода е многу важно за здравјето на луѓето и имунитетот. Водата ја користи мозокот за производство на хормони, таа носи хранливи материи низ телото и ја регулира телесната температура.
Но, за многумина, обичната вода е „здодевна“ и понекогаш е тешко да се внесува доволно секојдневно. Истражувањата покажаа дека витамините додадени на ароматизирана вода и сокови не придонесуваат за човечкото тело и се полни со шеќер. Ако сакате да пиете нешто поразлично и поздраво, водата збогатена со овошје и билки е одличен избор. Ви донесовме 5 рецепти за овошна вода во кои ќе уживате:
Вода со босилек и портокал
Состојки:
- Половина литар обична или газирана вода
- Мраз
- Портокал
- Свеж босилек
Ставете вода во тегла, додадете мраз и исечен портокал и босилек по желба. Промешајте и сервирајте.
Вода со јагоди, свежа краставица и босилек
Состојки:
- 3 ливчиња босилек исечени на поголеми парчиња
- Една исечена јагода
- 3 до 5 парчиња свежа краставица
- Мраз
- Вода
Ставете ги сите состојки во голема чаша, истурете вода. Оставете да отстои пет минути и сервирајте со мраз.
Вода со лимон и малини
Состојки:
- Две чаши малини
- Осум чаши вода
- Еден голем лимон, исечен на парчиња
- Една сува урма
Ставете ги сите состојки во голема тегла, истурете ја со вода и оставете ја да се излади најмалку еден час во фрижидер.
Вода со јагоди, нане и портокал
Состојки:
- Грст свежо нане
- Половина чаша исечени јагоди
- Половина портокал, исечен
- 4 децилитри вода
Ставете ги овошјето и нането во мала тегла, прелијте ги со вода и оставете ги во фрижидер преку ноќ.
Вода со ананас и ѓумбир
Состојки:
- Една чаша свеж ананас на коцки
- 5 сантиметри ситно сецкан или рендан ѓумбир
- 2 литри вода
Ставете ананас и ѓумбир во голема тегла, потурете со вода и ставете ги да се оладат во фрижидер. Ако сакате посладок вкус, прво можете да го турнете ананасот во тегла, а потоа да додадете вода.