Направи сама: Средство за чистење за бања од само три состојки
Средствата без хемикалии секогаш се бараат и се препорачуваат за домови каде поминувате најмногу време, па подолу ви донесуваме рецепт за средство за чистење на бања.
Шантел Мила, млада мајка од Мелбурн, откри на социјалните мрежи како лесно и брзо да направите чистач за бања дома – и ви требаат само три состојки.
Сè што треба да направите е да измешате една чаша топол бел оцет со две лажици детергент за миење садови и четири капки масло од чајно дрво – во едно шише со спреј.
Шантел препорачува прво да го загревате оцетот во микробранова печка неколку секунди бидејќи полесно ќе се вклопи со останатите состојки. Испрскајте ја бањата – кадата или тушот, тоалетната шолја и мијалник – почекајте десет минути и избришете со крпа. Оцетот ќе ги отстрани непријатните мириси и дамки, детергентот ќе ги отстрани нечистотиите, а маслото од чајно дрво спречува формирање мувла.
Прочитајте и: Вашето дете црта на каучот? Без грижа, сѐ што ви треба е лак за коса
ФОТО: Getty Images