Фотографијата на инфлуенсерката открива како изгледа телото на „Инстаграм“, a како во реалниот живот (ФОТО)
Не залажувајте се!
Поради погрешната слика која ја имала за женското тело, ги покривала нозете со пудра кога одела на училиште, а сега го покажа своето тело, со и без шминка
Инстаграм-моделката Карина Ирби сака нејзините обожаватели да престанат да се споредуваат со сликите што ги гледаат во списанијата и на социјалните мрежи, пренесува „Дејли стар“.
Во оваа пригода, таа покажа како навистина изгледа нејзиното тело во бикини и рече дека сликите на познатите личности и модели кои ги гледате обично не се одраз на реалноста.
Карина истакна дека фотошопот, филтрите и лажниот изглед можат да бидат многу штетни за самодовербата. Некогашната дизајнерка на костими за капење, а денес инфлуенсерка од Австралија, вели дека многу добро знае колку може да „излаже“ камерата.
Оваа 32-годишна природна девојка објави две фотографии, една до друга, од кои едната е природна и реална, а другата ретуширана, за да покаже колку е лесно да го измените својот изглед за потребите на социјалните мрежи.
На крајот од објавата таа порача:
Не залажувајте се!
Набрзо пристигнаа коментари за поддршка, а многу девојки рекоа дека со години се прашувале како плус сајз моделите имаат толку убава кожа, без стрии и несовршености, а имаат прекумерна тежина.
Карина со само една објава покажа дека не постои совршено тело со или без вишок килограми и дека не треба да веруваме во се’ што гледаме на социјалните мрежи, особено не на фотографии од женско тело кое нема мана.
Коментарите се заклучени.