Најдобрите вежби за намалување на болката во зглобовите и обликување на телото!

Болката во зглобовите ги погодува луѓето без разлика на полот и возраста. Без разлика дали тоа е сигнал дека стареете и вашите коски ја губат еластичноста, или се резултат на некоја потреба – тие влијаат на секој дел од секојдневниот живот. Го менуваат начинот на кој се движите, функционирате…

Меѓутоа, само затоа што чувствувате болка во зглобовите не значи дека треба да престанете да вежбате. Редовниот тренинг ќе ја зголеми подвижноста на зглобовите, ќе го подобри расположението и ќе го забрза метаболизмот. Во исто време, околните мускули ќе станат посилни, а целото тело посилно и витално.

Пред да започнете со вежбање, разговарајте со вашиот лекар. Консултирајте се кој тип на вежби е идеален за вашата возраст и конституција.

Вежби кои ја намалуваат болката во зглобовите:

Пешачење

Лесното темпо е добро за секој кој не е во одлична форма. Веќе по неколку недели, ќе забележите многу позитивни промени. Пешачењето ќе ги зајакне срцето и белите дробови, а густината на коските ќе се зголеми. Важно е да набавите удобни чевли и да се вооружите со ентузијазам за да не ја прескокнете новата навика кога временските услови не се идеални.

Пливање и „возење“ во вода

Пливањето ќе ја забрза циркулацијата, а водата ќе го намали притисокот што тежината влијае врз зглобовите, дава отпор при вежбање па затоа е добар начин за градење мускулна маса. Ако пливањето е премногу напорно за вас, започнете со одење покрај плиткиот базен.

Јога

Фокусирањето на дишењето и правилното изведување на движењата ќе ви го оддалечи вниманието од она што ве мачи (болни зглобови). Покрај тоа, јогата ја намалува вкочанетоста и напнатоста во мускулите и зглобовите. Сепак, бидете внимателни бидејќи премногу напорните движења може да го влошат постоечкиот проблем.

Возење велосипед

Педалите и одржувањето на рамнотежата ќе ги активираат колковите, колената и глуждовите. Во зимските месеци користете велосипед за вежбање. Започнете со кратко возење од сто метри, а потоа постепено зголемувајте ја километражата и темпото.

Танцувајте

Опуштете се и дозволете музиката да ве однесе. Во зависност од видот на танцот, неговата тежина и степенот на импровизација се разликуваат, а вие изберете што најмногу ви се допаѓа.

Индивидуални тренинзи со стручно лице

Доколку се плашите дека вежбањето лошо ќе влијае на вашата болест или не знаете како да започнете, контактирајте со некој кој е професионален и има искуство во тоа. Тренерот ќе ви помогне да ја зголемите силата, издржливоста и опсегот на движење во најкус можен рок. Тој ќе ве поттикне и поддржи да успеете во вашата цел.