Девојка била примена во болница поради силни болки во грбот: Резултатите од томографијата ги шокирале докторите!
Отишла на доктор поради болки во грбот
Дваесетгодишната Сјао Ју од Тајван била примена во болница поради силни болки во грбот и дехидратација
Девојката имала температура, додека анализата на крвта покажала невообичаено висок број на бели крвни зрнца. Лекарите ѝ направиле компјутерска томографија, а резултатите ги шокирале.
Имено, откриле дека пациентката имала минимум 300 камчиња во десниот бубрег.
Таа прво пиела антибиотици, по што лекарите ѝ ги отстраниле камчињата со минимално инвазивна операција.
Нивната големина варирала меѓу 5 милиметри и 2 сантиметри, а болницата објавила фотографија која брзо се раширила на социјалните мрежи.
https://t.co/sOf4DsHDYG#Tainan #Taiwan #kidney #stones
— AWR (@AWReport) December 14, 2023
Иако постојат повеќе фактори што можат да доведат до создавање камчиња во бубрегот, во овој случај пациентката воопшто не пиела вода, туку само слатки чаеви и сокови.
Тоа ѝ предизвикало хронична дехидратација, состојба во која урината станува поконцентрирана, а минералите во неа се кристализираат и формираат камчиња.
Локалните уролози апелирале до граѓаните да пијат повеќе вода, за да му помогнат на телото да ги обработи шеќерите, солите и калциумот што ги внесуваат, користејќи го случајот на Сјао Ју како предупредување.
Коментарите се заклучени.