СЗО: Употребата на вакцина против коронавирусот не ја очекувајте пред следната година!
Извршниот директор на Светската здравствена организација (СЗО) за вондредни програми, Мајк Рајан, изјави дека истражувачите напредуваат во развојот на вакцина против коронавирусот, од кои неколку се во доцните фази на тестирање, но истакна дека нивната прва употреба не се очекува пред почетокот на следната години.
Рајан рече дека СЗО работи напорно за да обезбеди еднаква дистрибуција на вакцината, но истакна дека во меѓувреме, клучно е да се спречи ширењето на коронавирусот.
„Ние напредуваме добро. Неколку вакцини се веќе во третата фаза на тестирање. Реално е да се очекува првата да се користи во првиот дел од следната година “, рече Рајан.
Сепак, никој досега не успеа во однос на безбедноста или можноста да генерира имунолошки одговор.
Тој додаде дека СЗО работи на проширување на пристапот до потенцијалната вакцина и да помогне во зголемувањето на производниот капацитет.
„Мораме да бидеме фер затоа што тоа е глобално добро. Вакцините за оваа пандемија не се за богатите, не се за сиромашните – тие се за сите“, рече Рајан.
Поврзани објави
Владата на САД ќе плати 1,95 милијарди американски долари за да купи 100 милиони дози вакцини против коронавирус, развиени од страна на фармацевтски компании Pfizer Inc. и BioNTech доколку се докаже дека се безбедни и ефикасни.
Рајан исто така предупреди дека треба да се внимава при повторното отворање на училиштата се додека преносот на коронавирусот не биде ставен под контрола.
Дебатата во САД за повторно отворање на училиштата се интензивира токму затоа што пандемијата беснее во повеќето држави.
„Ние мора да сториме сè што е во наша моќ да ги вратиме децата на училиште, а најефикасното нешто што можеме да направиме е да престанеме со заболувањето во нашата заедница, затоа што ако го контролирате тогаш, можете да отворите училишта“, рече Рајан.