Повеќеслоен десерт кој ќе ве воодушеви!
Состојки:
За подлогата:
- 200 гр интегрален бисквит
- 3 лажици кафеав шеќер
- 120 гр стопен путер
За првиот крем:
- 500 гр сирен намаз
- сок од еден лимон
- 2 јајца
- 3 лажици шеќер
- 1 ванилин шеќер
За вториот крем:
- 2 павлаки
- 3 лажици шеќер
- 1 ванилин шеќер
За украсување:
- 100 гр јагоди
- 100 гр капини
Поврзани објави
За печење:
- хартиени корпи за мафини
Подготовка:
Ставете ги хартиените корпи во поголм плех за печење. Започнете со подготовка на десертот од основата. Исецкајте ги бисквитите во блендер, додадете шеќер и стопен путер. Добро комбинирајте ги состојките. Ставете една лажица мешавина од бисквит, путер и шеќер во секоја чаша и малку притиснете. Ставете ги во рерната на 180 степени за четири минути.
Додека основата малку се загрева, заматете го првиот крем. Ставете го сирниот намаз и двата вида шеќер во сад и добро измешајте. Додадете ги јајцата, измешајте и на крај истурете сок од лимон.
Извадете ги хартиените корпи со основата од бисквит надвор од рерната и ставете го кремот врз нив, околу две лажици, во зависност од големината на корпите. Вратете ги во рерната и печете 20 минути на 170 степени.
Додека состојките се печат, подгответе уште еден крем. Во сад ставете павлака, шеќер и ванилин шеќер и добро измешајте. По 20 минути, извадете ја содржината од рерната и истурете го вториот крем во корпите. Вратете сѐ во рерната, што потоа ќе ја исклучите и оставете го десертот во рерната 5-7 минути. Не треба да се пече, температурата во рерната е доволна за малку да се компресира кремот.
Добро изладете и украсете со овошје.
Предлог за главно јадење: „Онесвестен имам“: Вака се приготвува модар патлиџан во турската кујна!
ФОТО: Getty Images