Заради пандемијата, скоро и да заборавивме редовно да одиме на фризер. Но, со стручни совети, ќе можете да го намалите и камуфлирате оштетувањето на косата.
Скратете ја косата – сами!
Веројатно вашата коса е многу подолга во моментот и, претпоставуваме, со повеќе видливи оштетувања од она на што сте навикнале. Фенирање и боење дома, плус постојан стрес и вознемиреност, оставија трага на вашата коса. Отсекувањето на суви и оштетени краеви ќе ја освежи вашата коса. Но, скратувањето на косата не треба да биде драстично. Доволно е да се отсечат краевите во должина од половина до 2,5 см. Уште поважно е да се користат професионални фризерски ножици за време на оваа постапка, кои се остри и прецизни. Исечете ја косата кога е целосно сува – на овој начин ќе можете реално да ја процените нејзината должина. Имајте на ум дека влажната коса изгледа подолго од сувата. Кога станува збор за шишките, соберете ги во форма на триаголник и оддалечете ги од лицето – за да имате реална слика за должината. Исечете хоризонтално, а потоа повлечете уште неколку вертикални потези за да ги омекнете острите краеви. Можете исто така да оставите шишки да растат, а потоа само да ги чешлате и да ги закачите со украсна шнола. И марамите можат да бидат корисни. Овие додатоци се во преден план и го одвлекуваат вниманието од остатокот од косата.
Интензивирајте го режимот за нега
Ако имате природно виткана коса, намалете го бројот на шампони на неделно ниво, со што спречувате губење на влага. Користете шампони без сулфат. Хидратацијата на косата е секогаш добра идеја, но уште поважно е да се направи кога правите подолги паузи помеѓу фризурите. Експертите препорачуваат регенеративно негување на косата еднаш неделно, за сите типови коса. Ако имате тенка и слаба коса, користете поблаги формули. Потребни се повеќе негување за виткана и брановидна коса. Исто така, корисно е да се избегнуваат термички третмани (фенирање, употреба на преса). Косата што се суши на природен начин изгледа најубаво, а во која претходно – додека беше сè уште влажна – нанесувавте комбинација на производи за стилизирање.
Поврзани објави
Користете трикови за оштетена коса
Оштетените и исушени делови од косата може успешно да се камуфлираат со примена на препарати со масло од кокос или макадамија. Експертите велат дека природните состојки во препаратите ја затвораат кутикулата на одделна коса, што создава изглед на здрава и сјајна коса. Исто така, со цел да ја покриете штетата, можете да користите електричен виткач и да формирате неколку кадрици или бранови со него. Извртувањето на краевите навнатре им овозможува на расцепените врвови да се мешаат со текстурата на остатокот од косата. Секако, пред виткање, не заборавајте да истриете препарат за заштита од термичко оштетување на вашата коса. Покрај тоа, можете да направите висока опашка, да ја завиткате во пунџа и да ги поправите оштетените краеви со шноли и со тоа да ги чувате од видното поле.
Прочитајте и: Седум совети за тоа како да ѝ дадете на косата волумен и здрав изглед без употреба на фен за коса
ФОТО: Getty Images