Во продажба е роденденскиот број на „Убавина и здравје“: Славиме 14 години!
Писмо на уредничката: Мај, те сакаме!
Постојат многу причини зошто го сакаме мај. Освен што е пријатно топол и зелен, ни носи и нова убава и ведра енергија. Но ние имаме причина повеќе да го сакаме и да му се радуваме на овој месец, бидејќи славиме роденден!
Пред 14 години за првпат на киосците се појави „Убавина и здравје“. Веднаш стана омилен женски магазин на огромен дел од македонската читателска публика, вклучувајќи ме и мене, која со задоволство го купував и читав ова списание.
Подоцна, низ годините, дојдоа и некои предизвици, но среќни сме што успеавме да го задржиме почитуваното и ценето место во вашите срца до овој момент, за што ви благодариме!
Вреди да истакнеме дека оваа година и новиот состав на редакцијата, вклучувајќи ме мене како уредничка, но и нашата компанија издавач „Колор медиа плус“, славиме пет години постоење. Можеби звучи како мал, но за нас е многу значаен јубилеј, на кој му се радуваме, а сигурни сме дека и вие ќе ја споделите нашата радост.
Во 2017-та, повторно во мај, со голем ентузијазам го создадовме и испечативме нашиот прв број на овој магазин.
Бевме и останавме многу вредни, со големи напори да го одржиме и надградиме овој магазин, но и работењето на нашата компанија во согласност со сите технолошки иновации, како и потребите на нашите нови читатели на магазинот и порталот и следбениците на нашите социјални мрежи, кои се екстензија на „Убавина и здравје“.
Се запознавме и остваривме соработка со многу клиенти и брендови, а со голем дел од нив станавме вистински партнери и пријатели, што ја претвори нашата работа во вистинско задоволство.
Отворивме и наша онлајн продавница и основавме наш моден бренд, организиравме конференции и манифестации преку кои и понепосредно се дружиме со вас…
Сево ова не е отчет, туку споделување на нашата причина зошто сме вљубени во месецот мај.
Поврзани објави
Во мај се случуваат магично убави нешта, можеби и вам ќе ви донесе остварување на некои мечти… Силно посакајте!
Ве сакаме!
Главна и одговорна уредничка Јована Стојменовиќ.
Насловната страница на 161-от број на списанието ја красат манекенките Симона Величковски, Елена Реи и Горјана Кулишевска облечени во прекрасните модели на брендот ZERO, чиј основач и моден дизајнер е Огнен Анѓушев.
Во продолжение, погледнете што ќе читате во 161-от, роденденски број на „Убавина и здравје“!
Текст: Јована Стојменовиќ
Фото: Убавина и здравје