Во продажба е новиот број на „Убавина и здравје“: Уживајте во сѐ убаво што ни носи есента… Уживајте во својот личен простор каде што секогаш нѐ пуштате и нас!

Со секој купен примерок, испробајте ги новитетите на нашите пријатели – „Виолета“, „Орифлеим“ и „Виталија“

Личниот или приватен простор е минимумот на слободен физички простор за кој психолозите тврдат дека му е неопходен секому. Проблемот е што овој личен простор нема видливи граници и останува секој од нас да процени кому и до која мера може да му се приближи.

За волја на вистината, постојат повеќе теории во кои личниот простор е дефиниран, научно истражуван во рамките на проксемиката, па дури се одредени и „кругови на врските“, односно колку блиску би требало да приоѓаат лицата од социјалната, семејната или работната средина.

Иако ретко кој е запознаен со споменатите теории, на секому од нас му е познато чувството кога ви станува непријатно поради нечие присуство покрај вас.

Психолозите тврдат дека тоа е поради узурпацијата на личниот простор. Преполни простории, дискотеки, мачно разминување во тесни холови или превозни средства…

Нашата „нова реалност“ ме потсети на оваа тема. Сѐ до појавата на пандемијата, и самата не бев свесна дека и мојот „личен простор“ често беше узурпиран во повеќе ситуации, поради што чувствував нелагодност.

Сепак, како сите да се помиривме дека е неопходно или социјално прифатливо да узурпираме или да ни го узурпираат просторот, најчесто под изговорот – нема место. Засега се дефинирани границите на физичко растојание како превентивна мерка за ширење на вирусот, но би можеле тоа да го искористиме и практикуваме и понатаму, кога сево ова ќе заврши.

Би можеле конечно да го негуваме „личниот простор“, и сопствениот и оној на околината, бидејќи има место. Да ги почитуваме невидливите граници!

Но узурпацијата на физичкиот простор не е единствена причина за нелагодност. Луѓето често имаат проблем да постават граници и во комуникацијата. Што е дозволено да му кажете некому? Што е прифатливо да побарате, па макар и од најблиските? Дали некогаш дозволуваме или си дозволуваме премногу (стр. 80)?

А размислувајќи за човековата природа и социјално дефинираните правила на однесување, отидовме чекор подалеку – анализиравме дали моногамијата е за секого (стр. 76)?

Овој број е особено убав и поради прекрасната модна разгледница на „Фешн груп“ (стр. 44). И нашиот тим се израдува на овој амбициозен моден проект, кој повторно внесе енергија по паузата што настапи од почетокот на 2020-та и ќе израдува многу вљубеници во модата.

Уживајте во сѐ убаво што ни носи есента… Уживајте во својот личен простор каде што секогаш нѐ пуштате и нас! Благодариме за тоа. Ве сакаме!

Текст: Јована Стојменовиќ

Фото: Мирко Табашевиќ

 

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време