Ви останаа многу јајца од Велигден? Еве 4 одлични начини на кои можете да ги искористите!

Фантастични идеи

Пригответе ги овие јадења од јајца

По Велигден, на сите ни остануваат неискористени јајца. Тие имаат ограничен рок на траење, а за да не ги фрлите, прочитајте ги нашите предлози како да ги искористите за вкусни јадења.

Јајца полнети со руска салата

Состојки:

  • 10 јајца
  • 200 г руска салата
  • магдонос

Приготвување:

Пресечете тврдо варени јајца во должина и извадете ги жолчките. Добро измешајте ги жолчките заедно со руската салата, па наполнете ги јајцата. Украсете со магдонос.

Мимоза салата готова за миг

Состојки:

  • 200 г рендана шунка
  • 200 г рендан кашкавал
  • 3 тврдо варени и рендани јајца
  • 100 г мајонез
  • 3 поголеми рендани компири
  • 2 канчиња кисела павлака
  • сол

Приготвување:

Шунката, кашкавалот, јајцата и компирот посолете ги и измешајте ги. Прелејте ги со мајонез и со кисела павлака, измешајте и салатата е готова.

Мешана салата со јајца

Состојки:

  • 1 главица зелена салата
  • 1 главица ендивија
  • 1 главица зимска салата
  • 1 врзоп рдоква
  • 1 главица кромид
  • 1 врзоп рукола
  • 4 домати
  • 1/2 лажиче сенф
  • 2 лажици оцет
  • сол, бибер
  • 4 лажици масло
  • по 1 врзоп сечкани мирудија, власец, магдонос
  • 4 тврдо варени јајца

Приготвување:

Исчистете ги главиците од сите набројани салати, измијте ги и исушете ги со протресување. Зелената салата и зимската салата исечкајте ги на помали парчиња. Ендивијата исечете ја на широки ленти. Добро исчистете ја, измијте ја, исушете ја и исечете ја руколата. Кромидот исечкајте го на прстени. Измијте ги рдоквата и доматите, исчистете ги и исечкајте ги на тенки резанки.

За преливот, треба да измешате сенф, мед и лажица ладна вода. Посолете и забиберите. Додајте зачинско билје и масло и промешајте. Салатите, руколата, кромидот, рдоквата и доматите измешајте ги со преливот во голема чинија за салата. Излупете ги тврдо варените јајца, пресечете ги на осмини и послужете ги врз салатата.

Највкусниот ролат од спанаќ и компири со јајца

Состојки:

  • 500 г компири
  • 1 главица кромид
  • 350 г спанаќ
  • 7 јајца (3 живи и 4 варени)
  • 50 г путер
  • сол

Приготвување:

Компирот сварете го во посолена вода. Кога ќе се олади, излупете го и изрендајте го. Спанаќот потопете го во посолена врела вода. Исцедете го и ситно исечкајте го. Додајте го во ренданиот компир заедно со рендана главица кромид. Во смесата додајте 3 изматени јајца. Посолете и забиберите. Сето тоа промешајте го додека добиете хомогена смеса. Распространете ја врз алуминиумска фолија.

Преостанатите 4 варени јајца, ставете ги во едниот крај од кората со спанаќ. Со помош на фолијата, завиткајте ја кората во ролат и ставете ја во подмачкан плех. Прелејте ја со растопен путер. Печете ја на 200 степени Целзиусови.

Што да направите со вишокот белки и жолчки од јајца? Еве неколку идеи
loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време