Неодоливи залачиња: Нема да можете да изедете само едно од овие пармезан-топчиња!
Лапни голтни!
Пармезан-топчиња што ќе ве воодушеват со својот вкус
Состојки:
- 500 г екстра бело брашно тип 400 на „Жито лукс“
- 1 лажиче сол
- 20 г свеж квасец
- 1 лажиче шеќер
- 60 г растопен путер
- околу 200 мл млеко
- 200 г крем-сирење
- 1 јајце + 1 јајце за премачкување
- 2 лажици рендан пармезан
Приготвување:
1. Квасецот се мати во половина шолјичка топло млеко заедно со едно лажиче шеќер и екстра бело брашно тип 400 на „Жито лукс“. Се чека квасецот да се активира.
Поврзани објави
2. Во друг сад се ставаат екстра белото брашно тип 400 на „Жито лукс“ и сол, се додаваат приготвениот квасец, растопениот путер и јајцето, па со преостанатото млеко се замесува мазно тесто. По потреба се додава уште малку екстра бело брашно тип 400 на „Жито лукс“ или течност.
3. Тестото се покрива и се остава да одмора околу 20 минути. Се дели на осум дела и од секој дел се обликува топче.
4. Топчињата малку се истенчуваат со дланката и на средината на секое се става лажиче крем-сирење. Се собираат краевите на тестото и добро се затвораат.
5. Наполнетите топчиња се редат во подмачкан калап за венец. Тестото се премачкува со изматено јајце и се посипува со рендан пармезан. Се остава да одмора уште десетина минути, додека се загрее рерната, а потоа плехот се става во неа.
6. Топчињата се печат на 200°Ц, околу 30 минути, додека поруменат.
Извор: Добра храна