Вкусен и здрав ручек полн со витамини: Пригответе полнети пиперки во павлака!
Главно јадење
Полнетите пиперки можете да ги печете и во малку поредок сос од домати
Состојки:
- 8 жолти пиперки
- 1 среден кромид
- 600 г мешано мелено месо
- 1 поголем морков
- 120 г ориз
- 1 лажица буковец
- црн пипер
- 600 мл павлака за готвење
- масло
- сол
Приготвување:
1. Пиперките се мијат, се засекуваат и се чистат од семките и дршките.
2. Кромидот се лупи и се сечка на коцки, морковот се ренда крупно.
3. Во сад се мешаат меленото месо, кромидот, ренданиот морков, оризот, буковецот, црниот пипер и солта. Добро се меша со рака, да се распоредат состојките рамномерно.
4. Се полнат пиперките со приготвената смеса. Се редат во намрсен земјен сад и се прелеваат со павлаката за готвење. Се покриваат со фолија и се печат во загреана рерна на 200°Ц, околу 30 минути. Потоа се отстранува фолијата и се продолжува со печењето, додека пиперките омекнат и заруменат, а киселата павлака ја постигне посакуваната густина.
Извор: Добра храна