Тестенини со брокули и туна: Сигурни сме дека не сте пробале повкусни!
Ќе се воодушевите!
Тестенините со вкусен сос се секогаш добар избор за ручек
Овој рецепт е идеален, бидејќи брзо се приготвува, а многу е вкусен.
Потребни состојки:
- 400 грама кратки тестенини (пене)
- 1 парче брокули
- 160 грама туна од конзерва
- 2 чешниња лук
- 50 грама рендан кашкавал
- 3 лажици маслиново масло
- 2 лажици сок од лимон
- сол
- бибер
Приготвување:
- Измијте ги брокулите, раздвојте ги на цветови и сварете ги на пареа (околу 7-8 минути)
- Исцедете ја туната, исечкајте го лукот на листови.
- Во поголем лонец ставете вода, а кога водата ќе зоврие, ставете лажичка сол, па додајте ги тестенините за да се сварат.
- Сварете ги според упатствата на пакувањето на тестенините што ги користите.
- Загрејте подлабоко тавче, додајте маслиново масло и исечкан лук на листови, а по една минута додајте ги и сварените брокули, малку посолете, ставете бибер, па прелијте со лимонов сок.
- Додајте ја исцедената туна и внимателно промешајте со лажица.
- Прелијте со малку од водата во која се вареле тестенините.
- Исцедете ги сварените тестенини, оставете околу 100 милилитри од водата во која се вареле, па додајте ги тестенините во тавчето со брокули и туна.
- Измешајте, па прелијте со водата од варењето и додајте половина од ренданиот кашкавал.
- Послужете ги топли, наросени со остатокот од ренданиот кашкавал.