Потпечена зелка со наут
Ова е необичен вид мусака, но многу е вкусна за јадење!
СОСТОЈКИ:
1 главица зелка
100 г ориз
300 г мелено место
1 кромид
100 г наут
сол
црн пипер
мешан зачин
масло за јадење
ПРИГОТВУВАЊЕ:
Во тенџере на оган се пропржува кромидот на масло и во него се додава оризот. Се пропржува уште 10 минути.
Во тавата се додаваат зачините – сол, мешан зачин, црн пипер, црвен пипер, потоа и меленото место и сите заедно се пржат уште 5 до 6 минути.
Во тава за печење се става испржениот фил од тенџерето, па во него се додава ситно сечканата зелка заедно со зрната наут.
Зелката и наутот се мешаат со филот, па се додаваат околу 2 чаши вода.
Тепсијата се става во загреана рерна и се пече околу 1 час на 200 степени или додека јадењето е готово. По потреба, се додава малку водичка.
Текст: Добра храна
Фото: Илустрација