За приготвување на овој вкусен ручек ќе ви бидат потребни 15 минути, како и за пржење на ќофтињата.
СОСТОЈКИ:
1 парче пилешки стек
1 јајце
50 г кашкавал
пола китка магдонос
1 лажица црвен пипер
бело брашно по потреба (околу 200 г)
50 г лебни ронки
малку сол
црн пипер
ПРИГОТВУВАЊЕ:
Пилешкиот стек се обарува и се блендира заедно со јајцето.
Се става во длабок сад, па се додаваат кашкавалот – изрендан, магдоносот – ситно исечкан, и се меша.
На крај се додаваат и црвениот пипер, солта и црниот пипер, како и брашното, па се меси убаво.
Брашното постепено се додава додека се добие убава смеса за формирање на ќофтиња.
Потоа се формираат ќофтиња, а секое ќофте се вала во лебните ронки.
Маслото се загрева во тава на оган, па се ставаат ќофтињата и се пржат додека заруменат.