Посни сармички со една необична состојка: Рецепт што ќе го обожавате!
Треба да пробате!
Дали некогаш би ви паднало на памет во филот за сарма да ставите малку суво овошје?
Состојки:
- 1 главица кисела зелка
- 1 главица кромид
- 1 поголем морков
- 1 поголем компир
- 200 г исчистен ориз
- 2 лажици ајвар
- малку суви сливи
- мелена црвена пиперка
- толчена лута пиперка
- бибер
- сол
- масло
- лавров лист
- 4-5 чешниња лук
Приготвување:
На масло испржете сечкан кромид и рендан морков. Во тоа додајте рендан компир и ориз. Додајте ајвар, мелена пиперка, толчена пиперка, бибер, сол и дел од лукот. Сето тоа измешајте го.
Одвојте ги листовите од зелката, скинете ги коренчињата и завиткајте ги сармичките. Наредете ги во длабоко тенџере, така што сармите во средина ќе ги наредите исправени.
Ставете го остатокот од зелката на коцки и врз него ставете малку ајвар, суви сливи и масло, и уште малку лук. Расфрлете лавров лист врз сармите. Прелејте ги со вода и оставете ги да се крчкаат околу 2 и пол часа.
Добар апетит!