Освежувачко пилешко со лимон

Ова пилешко со лимон е идеален оброк за топлите летни денови. Освен што е освежителен, оброкот има малку калории, така што оние што внимаваат на својата исхрана можат слободно да уживаат во него.

Освен што пилето подготвено на овој начин е сочно и вкусно, ќе ве задоволи и фактот што се прави многу лесно и брзо, а вечерата ќе ја подготвите за само половина час. Вистински избор за сите зафатени мајки!

Пилешко со лимон

Состојки:

• 1 лажица пченкарно брашно
• 1 лажица соја сос
• сок од еден лимон
• пулпа од еден лимон
• 2 лажици кокосово масло
• 1 филе од пилешки гради (околу 150 гр)
• 1 ситно сецкан поголем морков
• 100 гр брокула
• 150 мл пилешка супа (направена од половина коцка супа)
• 4 млади кромиди
• бибер, сол

Начин на подготовка:

1. Измешајте пченкарно брашно со соја сос и сок од лимон.
2. Загрејте го маслото во тава, додадете пилешки гради, бибер, сол, сецкан морков и брокула и пржете две до три минути (додека пилешкото не добие златна боја).
3. Истурете мешавина од соја сос и лимон во тавата, додадете пилешка супа и сецкан кромид.
4. Намалете ја топлината и вриејте 30 минути.
5. Истурете пулпа од лимон врз вареното пилешко и сервирајте со кафеав ориз и сезонска салата.

Прочитајте и: Тестенини со аспарагус и фета сирење: Пробајте го овој лесен ручек

ФОТО: Getty Images