Ако се сомневавте дека оброците без месо и млечни производи може да бидат многу вкусни, овие плескавици ќе ви ги отстранат предрасудите
Состојки:
- 300 г зобни снегулки
- 3 средни главици црвен кромид
- 4 чешниња лук
- 100 г мелен лен
- 1 лажиче пипер
- 2 лажици сечкан магдонос
- 1 лажица масло + масло за пржење
- црн пипер
- сол
Приготвување:
1. Зобните снегулки се прелеваат со зовриена вода да пливаат, се оставаат да отстојат неколку минути, а потоа се цеди вишокот течност.
2. Натопените снегулки, додека се уште топли, се гмечат со рака, за да се добие леплива смеса.
3. Црвениот кромид се чисти и се сече на коцки, па се пржи на малку масло да омекне.
4. Изгмечените снегулки се соединуваат со пржениот кромид, се додаваат пасираниот лук, магдоносот, мелениот лен и пиперот. Се зачинува по желба и добро се меша, за да се добие погуста смеса, погодна за обликување.
5. Со намрсени дланки се обликуваат помали плескавици и се спуштаат во зовриено масло. Се пржат прво од едната, а потоа и од другата страна, додека поруменат. Се служат со прилог по желба.
Извор: Добра храна