Со кафе или како ужина, лепчињата од тавче се вистинско уживање
Состојки:
- 250 г брашно
- 150 г кисело млеко или јогурт
- 2 лажици маслиново масло
- 1 рамна лажичка прашок за печиво
- 1 лажичка шеќер
- малку сол
- 1 јаболко
- малку цимет
- шеќер во прав
Приготвување:
Поврзани објави
Во чинија ставете брашно со прашок за печиво, додајте сол, кисело млеко, шеќер, масло и замесете тесто. Поделете го на 2 топчиња и расукајте ги со големина на чинија. Покријте ги со крпа да стасаат 20 минути.
Во средина на тестото ставете рендани јаболка, околу 2 лажици, и озгора ставете малку цимет. Завиткајте го тестото од сите страни, превртете го и со раце повторно расукајте го со големина на чинија, па додајте брашно ако ви се лепи. Повторно оставете го да нарасне 10 минути.
Тавчето ставете го на рингла и вклучете ја на средна температура. Ставете го лепчето на суво тавче и поклопете. Печете додека зарумени, па свртете го и повторно поклопете. Кога ќе порумени и од другата страна, извадете го. Наросете го со шеќер во прав и со ванилин шеќер.