Грчка мусака: Летен лесен ручек со домати и тиквички – сочен и превкусен!
По традиционален грчки рецепт
Ова традиционално грчко јадење ќе ве освои со совршената комбинација на вкусови и сочност
Состојки:
- 4 компира
- 4 модри патлиџани
- 2 тиквички
- 3 домати
- 2 главици кромид
- 1 чешне лук
- 5 пиперки
- сол по вкус
- бибер по вкус
- маслиново масло, за премачкување
- 500 мл свежо млеко
- 4 лажици брашно
Приготвување:
Измијте го и исчистете го зеленчукот од семки. Излупете го модриот патлиџан, исечете го на резанки и посолете го. Компирот исечете го на крукчиња и наредете го на дното на сад за печење подмачкан со маслиново масло.
Врз компирот наредете го модриот патлиџан. Во друг сад, исечкајте го доматот и измешајте го со претходно испечените и исечени пиперки. Зачинете со сол и со бибер по вкус.
Поврзани објави
Смесата со домати се сипува врз модриот патлиџан. Кромидот и лукот продинстајте ги со сол по вкус и додајте ги исечканите тиквички. Тоа е претпоследниот слој на мусаката, на крај треба да се заврши со слој од модри патлиџани.
Покријте го садот со фолија и печете на 250 степени Целзиусови. Додека мусаката се пече, можете да го приготвите преливот.
Измешајте свежо млеко со брашно додека добиете хомогена смеса и зачинете ја со едно лажиче сол.
Откако мусаката ќе се испече, прелејте ја со оваа смеса и допечете ја уште 15-20 минути.