Гозба со изобилство од зеленчук: Пробајте ги овие потпечени мешунки!
Вкусен и здрав ручек
За помалку од два часа ќе добиете ручек за целото семејство
Состојки:
- 2 главици црвен кромид
- 2 моркова
- 1 пашканат
- 1 резанка целер
- 2 чешниња лук
- 700 г шарени мешунки
- 1 лажица пипер
- 2 домата
- 4 јајца
- 200 мл павлака за готвење
- 1 лажица сечкан копар
- 100 г тенки листови сланина
- црн пипер
- масло
- сол
Приготвување:
1. Црвениот кромид се чисти и се сечка на коцки, морковите на крукчиња, а пашканатот и целерот се лупат и крупно се рендаат.
2. Лукот се чисти и се пасира, доматите се сечкаат на коцки, врвовите од мешунките се отсекуваат, а стебленцата се сечкаат на помали парчиња.
3. На малку масло се пржи црвениот кромид, а потоа се додаваат морковите, целерот и пашканатот, па се пржи со непрекинато мешање, додека попушти зеленчукот.
4. Се додаваат мешунките и понатаму се динста, долевајќи по малку вода, додека омекне зеленчукот. Пред крајот на динстањето се ставаат доматите и лукот, се посипува со пипер и се зачинува по желба.
5. Се вари додека се редуцира течноста, а потоа мешунките се тргаат од огнот и се оставаат да се оладат. Посебно се матат јајцата со павлаката за готвење, па се додаваат во мешунките.
6. Смесата се става во намрсен огноотпорен сад, одозгора се распоредуваат листовите сланина и се пече во загреана рерна, околу 40 минути.
Извор: Добра храна