Приготвување: 40 минути, печење: 15 минути
Пригответе убави домашни слатки со кои ќе го изненадите и израдувате своето драго семејство. Таква е, на пример, оваа вкусна торта од кекс, која дефинитивно ќе им се допадне на сите!
Состојки:
За кората:
* 2 јајца
* 2 лажици шеќер
* 1 лажица брашно тип 400
* 2 лажици масло
* 1 лажица густин
* 1 лажица чоколадо во прав
* 100 мл чоколадно млеко
За филот:
* 400 г кисела павлака
* 125 г маргарин
* 125 г шеќер во прав
* 150 мл слатка павлака
* 200 г мелен кекс
* 1 банана
Други состојки:
* 200 мл слатка павлака
* 100 г чоколадо
Приготвување:
За приготвување на кората белките се матат во цврст снег, постепено додавајќи шеќер. Потоа се додаваат една по една жолчките и се тура масло во тенок млаз, постојано матејќи со миксер.
Посебно се соединуваат брашното, густинот и чоколадото во прав, па со жица се меша смесата.
Тркалезен калап се обложува со хартија за печење и во него се става смесата за кората. Се пече во загреана рерна на 200°Ц, околу 15 минути.
Печената и изладена кора се боцка и се прелева со чоколадно млеко.
Посебно се приготвува филот. Се мати маргаринот со шеќерот во прав, па се додава киселата павлака и добро се меша.
Се додаваат мелениот кекс и пасираната банана, па се меша додека се добие воедначена смеса.
Слатката павлака се мати во цврст шлаг, па се додава во смесата и полека се меша.
Kората се враќа во калапот за торта и се премачкува со филот од кекс.
За приготвување на преливот слатката павлака се загрева до вриење, па се прелева преку чоколадото и се меша додека се растопи. Се чека да се олади смесата и се прелева преку филот. Се остава во фрижидер да се стегне.
Текст и фото: „Добра храна“