Овој десерт потсетува на сладолед, но неговото приготвување е поедноставно
Состојки:
- 300 г малини
- 240 мл павлака за шлаг
- 60 мл кисела павлака
- 50 г шеќер во прав
- 40 г ф’стаци
- 1 лажица свежо цеден лимонов сок
- 1 лажица мед
- свежи ливчиња нане
Поврзани објави
Приготвување:
- Со миксер матете кисела павлака околу една минута додека добиете мазна смеса.
- Додајте шеќер во прав и матете додека се соедини со павлаката.
- Во смесата додајте павлака за шлаг и сето тоа заедно матете го уште три до четири минути.
- Во добиената смеса додајте половина од количината сечкани ф’стаци и половина од малините, па рачно измешајте.
- Сипете ја смесата во длабок плех за печење, претходно обложен со хартија за печење.
- Приготвеното семифредо ставете го во замрзнувач да отстои минимум четири часа додека целосно замрзне.
- Кога ќе сакате да го послужите десертот, извадете го од замрзнувач да отстои малку на собна температура.
- За тоа време, помешајте мед и лимон и во таа смеса додајте ги преостанатите малини.
- Исечкајте го десертот на парчиња и врз него наредете малини, ф’стаци и неколку ливчиња нане.