Ова се намирниците што го саботираат патот до тенка фигура

Кога се обидувате да ги стопите несаканите килограми, треба да работите многу потешко од вообичаеното, особено кога станува збор за исхрана и вежбање. Брзите закуски се најголемите виновници кои го саботираат патот до вашата цел. Додека некои од нив може да изгледаат безопасни, на долг рок тие би можеле да бидат една од причините за зголемување на телесната тежина.

Солени закуски

Чипсовите од компири се доста проблематични како и другите нездрави закуски. Најголем проблем е што се „зависност“ и само ретко се јаде само еден. Една студија на Харвард докажа дека учесниците кои вклучувале чипсови во нивната редовна исхрана систематски зголемуваат тежина. На пример, переците изгледаат како многу подобра опција од чипсот, но и тие се преполни со сол.

Чоколадо

Темното чоколадо е здраво и препорачливо е да го јадете повремено, но не кога станува збор за млечни чоколади или чоколади со разни адитиви. Тие имаат висока содржина на шеќер и се многу богати со калории, така што тие се голем непријател ако сакате да одржите оптимална телесна тежина или да изгубите тежина.

Ароматизиран јогурт

Обичен јогурт е здрав и хранлив, но не и оние со најразлични вкусови. Обично тие се полни со шеќер и вештачки бои.

Слатки житарици

Житарици со млеко звучат безопасни, но тие имаат поголема содржина на шеќер, така што тие не се опција за лесен и хранлив појадок. Наместо тоа, изберете овесна каша. Ќе ве задржи сити многу подолго.

Конзервирани овошни коктели

Конзервираното овошје звучи здраво, но варијантите како ова често се чуваат во сирупи кои се всушност шеќерни бомби.

Енергетски плочки од гранола

Овие често се прават со чоколадо и претходно се натопени во разни сирупи полни со шеќер. Ќе бидете сити за кратко време, но исто така ќе направат непотребно маснотии.

Прочитајте и: Што се случува со телото за време на интервален пост?

ФОТО: Unsplash