Десерт идеален за врелите летни денови
Оваа варијанта на торта личи на чизкејк. Има кремаста структура, многу е миризлива, сочна и е одличен избор налето кога сакате да се разладите.
Состојки:
За кората:
- 300 г мелени бисквити
- 75 г маргарин
- малку шеќер во прав
- чаша млеко
За кремот:
- 100 г крем-сирење
- 300 мл слатка павлака
- 3 кесички ванилин шеќер
- 1 кесичка желатин
Поврзани објави
За глазурата:
- 200 г џем од лимон
- 350 мл вода
- 1 кесичка желатин
Приготвување:
- Направете ја кората така што ќе го изматите маргаринот со миксер, а потоа ќе додадете бисквити, млеко и шеќер во прав.
- Ставете ја таа смеса на дното од калап.
- Потоа, почнете со матење на слатката павлака, па кога ќе почне да се стегнува, додајте ванилин шеќер додека смесата стане цврста, како шлаг.
- Внимавајте да не матите премногу, бидејќи тогаш нема да има добар вкус.
- Во изматената слатка павлака додајте крем-сирење, па со внимателни движења, најдобро со помош на лажица, изматете ја смесата за да се соединат состојките.
- Пригответе го желатинот според упатствата од кесичката, па исто така додајте го во смесата и повторно промешајте малку.
- Добиениот крем сипете го врз кората, а потоа ставете го во фрижидер за да се олади добро.
- Додека се лади, пригответе ја глазурата.
- Џемот од лимон сипете го во сад, потоа додајте малку млака вода, најмногу една чаша, па ставете го џемот да се вари.
- Штом почне да врие, тргнете го од рингла.
- Пригответе го желатинот според упатствата, па додајте го во топлиот џем и промешајте. Оставете го да се олади малку.
- Потоа, исцедете ја смесата така што ќе остане само проѕирниот течен дел и со него прелејте го колачот во калапот.
- Потоа, вратете го чизкејкот во фрижидер за сето тоа заедно добро да се олади и стегне.
Добар апетит!