Оваа недела го добила името „страсна“, бидејќи овие денови молитвите и постите се засилени
Доаѓа Велигден, а неделата пред овој голем христијански празник е позната како страсна недела, за време на која постите се строги.
Според црковното предание, името „голема“ оваа седмица го добила затоа што оваа недела Исус Христос направил големи дела. Исус ја уништил смртта, го победил гревот и го тргнал проклетството од човечкиот род, со што му го отворил патот кон рајот. Името „страсна“ оваа недела го добиле, бидејќи овие денови молитвите и постите се засилени.
Интересно е што ова име потекнува и од тоа што, според народното предание, оваа недела сопружниците се воздржуваат од брачните обврски.
Постои и името „страшна недела“, бидејќи се вапсаат велигденски јајца од кои првото се вика страшник. Тоа е значајно, бидејќи според народното верување, може да го избрка стравот и да ги разбие облаците што носат град. Оваа недела е работна и тогаш се вршат големите подготовки за најголемиот празник Велигден, кога не се работи ништо.
Поврзани објави
Велики четврток
Овој ден е целосно посветен на орањето. Сите работи се забранети, освен сеењето лубеница. Се верувале дека лубениците што ќе се посеат на овој ден, ќе бидат напредни. Исто така, се правеле некои обредни ритуали околу стоката, за да биде здрава, силна, да се размножува и да дава млеко.
За време на вечерата на Велики четврток, Господ го открил предавството на еден од неговите ученици, а потоа со своите ученици отишол во Гетсиманската градина, каде што со својата молитва укажал на тоа дека молитвата за време на неволјите, страдањата и искушенијата дава најголема сила за справување со сите животни тешкотии, па дури и со телесна смрт.
На овој ден, жените оделе на река каде што палеле свеќи и ги пуштале на штици низ водата. Овој ритуал им е посветен на душите на покојните.
Предлог трпеза за Велики петок: Вака најдобро ќе го испочитувате најтажниот христијански празник