Не можете да спиете? Ново истражување носи едноставна и брза вежба за полесен сон

Постарите истражувања покажаа дека кардио вежбите како трчање, брзо одење или возење велосипед се одличен начин за подобрување на квалитетот на спиењето. Но, ако трчањето не е ваша работа и ако воопшто не сакате кардио, не очајувајте. Ова не е единствениот вид тренинг што ќе ве натера да спиете. Една неодамнешна студија во која биле вклучени 23.600 учесници од Германија покажа дека тренингот за сила е исто така ефикасен кога станува збор за поцврст и поубав сон.

Имено, клиничките резултати од истражувањето велат дека вежбите за зголемување на мускулната маса, како што се кревање тегови и склекови, можат значително да го подобрат квалитетот на нашиот сон. Она што дополнително ја подобрува оваа вест е фактот дека тренинзите што ќе ги правите не мора да бидат интензивни ниту да траат долго.

„Вежбите за зголемување на мускулната маса се одлична алтернатива на физичките активности кои бараат многу движење за луѓето кои не се љубители на кардио тренинг“, напишал еден од авторите на студијата. Затоа, ако имате проблеми со спиењето и немате доволно време да одите во теретана или за трчање, возење велосипед и слично – кратки и едноставни вежби за сила ќе бидат вашето решение за подобар сон. Подолу ќе најдете тренинг што може да ви помогне во тоа.

Прочитајте и: Трчањето на студено време создава чувство на среќа

ФОТО: Pexels