Дали препознавате некого во овие карактеристики?
Германски и дански научници претставиле концепт на „заеднички фактори за развој на мрачна личност“. По истражувањето откриле дали навистина постојат луѓе чија срж, свест, душа е едноставно злобна.
Ова истражување е воедно и првиот концепт што овозможил да се открие колку некој навистина е злобен длабоко во душата.
Научниците откриле кои 9 особини формираат мрачна личност, која го карактеризира навистина злобниот човек, расипан до срж…
Егоизам
Претеран ентузијазам за работите или активностите што носат задоволство или предност, а притоа им штетат на другите луѓе или на целото општество.
Макијавелизам
Склоност кон манипулација на други луѓе, немилосрдност и ум кој постојано смислува стратегии и калкулации.
Отсуство на морал
Предиспозиција за неетичко размислување, кое се изразува преку уверувањата и делата, отфрлање на класичната моралност и нејзините ограничувања.
Нарцисоидност
Главниот мотив на еден нарцис е да го нахрани своето его, по секоја цена.
Психолошка исклучивост
Опсесивна состојба во која човек верува дека заслужува подобро и повеќе од сите други луѓе.
Психопатија
Недостиг на симпатија и емпатија, како и суровост, сето тоа во комбинација со импулсивност, односно недостиг на самоконтрола.
Садизам
Садист е човек што обожава да ги понижува другите, но покажува и голема тенденција да се однесува сурово кон луѓето. Искажува физичко, психичко и сексуално насилство кон другите за да ја демонстрира својата моќ и контрола над жртвите или едноставно за да се забавува.
Опседнатост со себе
Опсесија која станува сѐ пострашна со парите, статусот, признанијата, дипломите и позицијата.
Одмаздољубивост
Желба да им наштетат на другите луѓе поради реални или замислени навреди. Смислуваат најразлични одмазди, од општествени и финансиски, до емоционални и физички.
Дали препознавте некого во овие особини?