5 симболи на Фенг Шуи за привлекување љубов
Отворете ги своите врати кон нова љубов
Ги пробавте сите варијанти на привлекување љубов, но… Дали му дадовте шанса на Фенг Шуи?
Можеби мислите дека ова учење е насочено само кон украсување на домот, со цел да се создаде пријатно опкружување исполнето со позитивна енергија, но има своја „примена“ и во други полиња, а едно од нив е љубовта!
Симболите на Фенг Шуи кои можат да ви помогнат да привлечете љубов во вашиот живот се:
Божури
Божурот е едно од најпознатите растенија за привлекување романтична среќа и љубов. Сепак, треба да се биде внимателен со овие цвеќиња, бидејќи нивната злоупотреба може да има негативни последици. Можете да ги чувате во дневната соба или спалната соба, но неопходно е да ги отстраните кога ќе пронајдете сродна душа. Ако останат во куќата и кога ќе најдете љубов, тие можат да предизвикаат кавги и афери.
Розев кварц
Различни кристали се поврзани со различни аспекти од вашиот живот. Кристалот што ви носи среќа во љубовта и ве исполнува со позитивни мисли е розевиот кварц. Атрактивен и лесно достапен, овој полу-скапоцен камен е можеби најлесниот начин да го осветлите вашиот живот со љубов. Треба да се постави на масата до креветот или во дневната соба, на некое убаво место.
Слики во пар
Поврзани објави
Најверојатно, повеќето луѓе не знаејќи ставаат една осамена врамена слика на ѕидот. Исто така, да се прикаже едно лице или животно на слика не е добра постапка ако се обидувате да најдете љубов. Едно е кога ви недостасуваат симболите на љубовта, а сосема друго кога сте опкружени со симболи на осаменост. Затоа, секогаш ставајте слики во парови на ѕидот или осигурете се дека дадената слика покажува среќна двојка.
Мандарински патки
Мандаринските патки се познати по тоа што донесуваат можност за брак и наоѓање вистинска среќа како претставници на светот на животните. Можете дури да комбинирате неколку симболи во еден, со избирање на две мандарински патки издлабени од розев кварц. Треба да ги поставите во вашата спална соба близу креветот на кој спиете.
Пеперутки
Пеперутките се симболи кои носат љубов, но не и сериозна врска. Додека патките носат можности како брак, пеперутките можат да ви овозможат поактивен љубовен живот и обична романса.
Прочитајте и: Никој веќе не ги чува овие работи дома: 11 застарени детали што би требало да ги исфрлите!
ФОТО: Unsplash