Скарлет Јохансон, Кејт Бланшет, Миранда Кер… Славните актерки ги откриваат своите еко-ритуали за разубавување
Препишувајте од нив!
Тие пропагираат поздрав пристап кон убавината, а ова е дел од нивните ритуали за разубавување…
Најдобро чуваната тајна на актерката Скарлет Јохансон е нешто сосема неочекувано:
Доколку, пред важен настап, мојата кожа е без сјај и со црвени точкички, врз неа поминувам со свеж лимон – за да ја осветлам.
Кејт Бланшет е љубителка на маслиново масло и на масло од макадамија:
Ги вклучувам во пилингот со сок од грејпфрут и морска сол – прават чуда за тенот!
И Гвинет Палтроу се потпира на придобивките од билните масла, првенствено од кокосовото:
Секое утро земам лажиче кокосово масло, го топам во устата и жуборкам со него следните 20 минути. На овој начин ефикасно се исфрлуваат отровите од телото, а има благотворно дејство и врз кожата.
Миранда Кер се труди косата да ја негува со природни состојки:
Избегнувам обликување на косата со помош на топлина и ја оставам да се исуши на природен начин. За подобрување на сјајот на влакната, по миењето, задолжително ја плакнам со студена вода. Практикувам и масажа на скалпот – одличен начин за стимулирање на растот на влакната.
Џесика Алба применува мошне едноставен а делотворен третман за коса:
Често си легнувам со балсам на краевите на косата, кој го одмивам наутро. Истото тоа го правам и кога вежбам, но тогаш ја собирам косата, а по тренингот веднаш ја мијам.
Текст: Наташа Човиновска
Коментарите се заклучени.