Дали храната зазема исто толку голем простор на социјалните мрежи колку модата и убавината?
Денес може да се најдат секакви фотографии на социјалните мрежи: мода, селфиња, животни, шминка, природни пејзажи, објекти и секако – храна! Во последниот период, здравата и фенси храна е во фокусот на социјалните мрежи.
Оттука не може а да не се запрашаме: Дали храната зазема исто толку голем простор на социјалните мрежи колку модата и убавината?
Колку атрактивната амбалажа, но и хранливата вредност придонесуваат поединечни производи да го оформуваат животниот стил на консументите? Колку е важен изборот на квалитетни и проверени производи кои промовираат здрав животен стил и придонесуваат за баланс во организмот?
Сите овие прашања ќе бидат одговорени на петтиот панел на регионалната конференција Профемина, со наслов „Тренд: Food is the new fashion“, под покровителство на „Баланс Плус“.
Очекуваме интересна и информативна дискусија, за која ќе бидат задолжени Давор Панчевски, автор на „Dave’s Kitchen“, Моника Ангелковска, попозната како блогерката за храна Моника Потер, Филип Поповски, автор на „Мои рецепти“ и „Готвиме со Фичо“, Даниел Цуклев фотограф на храна и Полексена Јанкуловска, маркетинг-директорка на „БиМилк“.
Овој панел ќе започне во 15.30, а улогата на модератор ќе ја преземе Ване Маркоски.
Оваа година ставаме акцент на убавината, негата, здравјето и на сè што е од исклучителна важност за припадничките на понежниот пол.
Жените сакаат да разговараат, да дискутираат, да прашуваат и да споделуваат, но сакаат и поддршка.
Влезот е слободен, потребно е само да го потврдите вашето присуство на мејл адресата event@colormedia.com.mk, или на тел 02/2341405 најдоцна до четврток. Повикајте ги и пријателките, нашите партнери обезбедија голем број на изненадувања и подароци. Се гледаме на 30 ноември!