Кармата ќе се погрижи секој да си го добие заслуженото: Како реагираат интелигентните луѓе кога некој ќе ги повреди?

Во некој момент од животот, соочени со гнев, болка и предавство, повеќето од нас веднаш помислуваат на одмазда. Меѓутоа, паметните луѓе знаат дека постои многу подобра опција.

Паметните луѓе знаат дека болката и фрустрацијата одземаат време. Токму поради високата емоционална интелигенција, овие луѓе можат да почекаат да помине првиот наплив на гнев, ги контролираат своите емоции и донесуваат подобри одлуки.

Кармата секогаш зема се’ во свои раце и секому му го враќа тоа што го заслужил. Се вели дека човек не може да побегне од последиците од своите дела. Универзумот има одговор за секое дело што ќе го направиме, добро или лошо. Доколку правите добри дела во животот, добро и ќе ви се врати, ако правите лоши работи, таков ќе биде и одговорот на кармата.

Не задржувајте гнев и лутина, тие никому ништо добро не му донеле.

Најдобрата одмазда е насмевката и успехот

Опсесијата со омраза и гнев е токсична. Тие чувства го разоруваат човека на парчиња и му ја скратуваат среќата. Ништо нема да го заболи толку оној што ве повредил колку вашиот успех. Забавувајте се и покажете им дека туѓата негативност воопшто не допира до вас.

Пред да посакате да му вратите некому со иста мера, запрашајте се дали тоа вреди и дали ќе се чувствувате подобро после тоа?

Одговорот до кој секогаш ќе дојдете е не. Наместо да им дозволите на лутината и фрустрацијата да ве мачат однатре, искористете ја таа енергија и претворете ја во мотивација потребна за успех.

Кармата секогаш се погрижува за тоа секој да си го добие тоа што го заслужил. Кога некој ќе ве повреди, не ги валкајте своите раце со одмазда. На крајот на краиштата, така ќе си наштетите само себеси. Ослободете се од негативните емоции и опростете, а кармата ќе им ја одржи својата лекција.

Како што зрачите, така привлекувате, запомнете го ова добро.

За ваше добро: Бидете свој приоритет, тоа е здраво, а не себично!