Урнатините на древниот град Бангар во Индија привлекуваат интерес со децении, а според легендата, на ова место не смеете доаѓате по самрак
За многумина, Индија е совршена дестинација за патување. Земја богата со култура, древни преданија и неверојатни вкусови.
За оние со појак стомак, кои уживаат во посетите на проколнати места, Бангар е задолжителна локација доколку планирате да одите во Индија. На границите на националниот парк „Резерватот за тигри Сариска“ се наоѓаат урнатините на Бангар, древен град обвиен со мистерија.
Индија е земја на приказни. Во неа ќе чуете многу интересни преданија за магија, богови, луѓе и животни, а градот Бангар веројатно е едно од местата што најмногу ги инспирирало индиските народни раскажувачи. Според легендите, Бангар е дом на духови.
https://www.instagram.com/p/CCNO7zTjiUU/?utm_source=ig_embed
Според една легенда, некогаш славниот град, бил проколнат од страна на човек по име Баба Балнат, кој дозволил градот да се изгради под услов ниту еден негов ден да не фрла сенка на неговиот дом. Доколку се случи тоа, Баба Балнат се заканил дека градот ќе биде уништен. Наводно, токму тоа и се случило: еден принц подигнал превисока палата и домот на Баба Балнат се нашол во сенка, па тој фрлил клетва чија моќ трае и ден денес.
Според друга легенда, волшебникот Сингхија се вљубил во принцеза, ќерката на владетелот на овој град, и приготвил волшебна напивка за да му биде возвратена љубовта. Меѓутоа, принцезата сфатила дека маслото што ѝ го донела слугинката од пазар е маѓепсано, па одбила да го користи.
Легендата вели дека тоа толку многу го налутило волшебникот што фрлил клетва на Бангар, а многумина и денес веруваат дека ова е повеќе од народна приказна, бидејќи следната година Бангар војувал со Ајабгарха. Принцезата тогаш загинала, а приказните за духови што го опседнуваат Бангар почнале да кружат.
Археолозите нашле докази за живот во Бангар уште во праисторија.
Поврзани објави
На пошироката територија на овој град денес живеат помалку од 1.300 луѓе, а најпознат е по урнатините на храмовите подигнати во чест на Гопината, Шива, Ханумана, Ганеша, Вишал Девта, Лавина Деви и Кешава.
И покрај повеќевековните пропаѓања озлогласени приказни, тврдината сместена во зеленило изгледа спокојно и е многу популарна туристичка атракција, која ја чува историјата на кралството што го подигнал махараџот Саваи Мадхо Син во 16 век. Тоа се остатоци од градски куќи, главен пат, џамија и прекрасна палата, која ја штитат две тврдини.
https://www.instagram.com/p/CB-c4PnM_gP/?utm_source=ig_embed
Сепак, сите љубители на историјата и мистеријата можат да им се воодушевуваат на убавините на Бангар само во текот на денот. Оној момент кога сонцето ќе зајде, мора да бидете надвор од неговите порти, бидејќи во спротивно ќе се соочите со законот.
„Влегувањето внатре во границите на Бангар пред изгревањето и по заоѓањето на сонцето е строго забрането“, нагласено е на таблата во ова место.
Ќе бидат преземени законски мерки против секој што не ги следи овие упатства.“
Како што тврдат локалните жители, многу патници и доброволци одлучиле да преноќат во тврдината и никогаш повеќе не се видени. Што и да е вистината, овој натпис секако ја зголемува мистеријата и го прави Бангар уште поинтересна туристичка атракција.
Погледнете како изгледа прошетката низ бангарската тврдава – најпроколнатото место во градот…